Qətərdəki dünya çempionatında 1/4 final mərhələsinin 2-ci qarşılaşması Niderland – Argentina oyunudur.
Mundiallarda dəfələrlə üz-üzə gələn əzəli rəqiblərin görüşünə maraq böyükdür. Düzdü Niderland millisi əvvəlki illərdəki kimi favorit komanda statusunda olmasa da, kollektivi təcrübəli Lui Van Qalın çalışdırması onlara üstünlük qazandıran amillərdəndir. Təsadüfi deyil ki, Niderland seçməsi ötən il bu posta təyin olunan Lui Van Qalın gəlişindən sonra məğlub olmayıb. 19 qarşılaşmada 14 qələbə 5 heç-heçə əldə edib. Təcrübəli mütəxəssis mətbuat konfransında rəqibin əsas ulduzu Lionel Messiyə xüsusi diqqət ayıracaqlarını və onu saxlamaq üçün xususi planlarının olduğunu bildirib: “Lionel Messi xususi bir oyunçudur. O, heç nədən təhlükəli epizod yarada və qol vura bilər. Amma burda bir amil də var ki, Messi topu itirəndən sonra, onu qazanmaqda çox vaxt iştirak etmir. Bu da bizə nəsə etməyə imkan yarada bilər. Ümumiyyətlə Messiyə qarşı xüsusi planımız var və onu ancaq oyun zamanı biləcəksiz. İstənilən halda bu Niderland - Messi qarşılaşması deyil, Niderland - Argentina oyunudur. Hazırda komandamız da əla əhval ruhiyyə var. Məqsədimizə doğru planlı şəkildə addımlayırıq. Hazırda isə qarşımızdakı əsas vəzifə argentina səddini adlamaqdır”.
Argentina millisinin baş məşqçisi Lionel Skaloni də jurnalistlərin önünə çıxıb. O, komandanın əsas üzvlərindən Rodriqo de Paulun vəziyyətinin qaydasında olduğunu və bu görüşdə iştirak edə biləcəyini deyib: “Rodriqo de Paulun vəziyyəti qənaətbəxşdir. Adətən bəzi futbolçular oyundan sonra bərpa prosesi üçün tək məşq edirlər. Bu normal haldır. De Paul və Di Mariya komanda ilə birlikdə də məşq edib. Amma oyun anına kimi hər şey dəyişə bilər. Niderland komandası ilə matça gəldikdə, bizi hücüm etməyi xoşlayan iki kollektivin qarşılaşması gözləyir. Penaltilər seriyası daxil hər şeyə hazırlıqlı olmalıyıq. Onsuz da, futbolçular məşqin sonunda xususi olaraq penalti zərbələrinə çalışırlar. ¼ finalda çıxış edən hər bir komanda finalı hədəfləyi və düşünürəm ki, 8 kollektivin hamısı buna layiqdir”.
Qeyd edək ki, Niderland – Argentina görüşü saat 23:00-da start götürəcək. Qarşılaşmanı ispaniyalı Mateu Laosun başçılıq etdiyi hakimlər briqadası idarə edəcək.