Milli Basketbol Assosisasiyasında müntəzəm çempionatın oyunları davam edir. Hazırkı çempion “Qolden Steyt Uorriors” səfərdə “Dallas Maveriks”in qonağı olub. İlk bölüm “Dallas”ın üstünlüyü şəraitində keçib. Fasilədən sonra “Qolden Steyt” vəziyyyəti xeyrinə dəyişib. Amma texaslıların sloveniyalı ulduzu Luka Donçiç “Uorriros”a sevinməyə imkan verməyib. 41 xal, 12 ribaund və 12 məhsuldar ötürmə ilə gecəyə damğasını vuran Luka bu mövsüm 5-ci tripl dablını edib. Beləliklə də, “Qolden Steyt”i 116:113 hesabıyla məğlub edən “Dallas” ardıcıl 4 oyundan sonra meydanı qələbə ilə tərk edib.
“Detroyt Pistons”la “Nyu York Niks” arasındakı oyunda isə qonaqlar qalib gəlib. Bu oyunun qəhrəmanı isə Culius Rendl olub. 36 xal və 7 ribaundla yadda qalan “Niks”in forvardı artıq ilk hissədə komandasının məhsuldarlıq nümayiş etdirməsinə şərait yaradıb. İlk hissədə 70 xal qazanan “Nyu York” fasilədən sonra da meydanda dominantlıq edərək “Detroyt”u 140:130 hesabıyla məğlub edib. Şərq Konfransında sonuncu pillədə qərarlaşan