Avropa Liqasının B qrupunda çıxış edən “Fənərbağça” doğma arenada “Renn”i qəbul edib. Fransadakı qarşılaşmada 0:2 hesabı ilə geriyə düşməsinə baxmayaraq, sonda əzmkarlığı sayəsində məğlubiyyətədən xilas olan “Fənərbağça” futbolçuları bu dəfə daha böyük dönüş ediblər. Qonaqlar yarım saat ərzində 3 qol vurmaqla yerli azarkeşləri məyus ediblər. Artıq 5-ci dəqiqədə Amin Quiri hesabı açıb. Az sonra onun ötürməsindən sonra Martin Terye topu qapıdan keçirib. 30-cu dəqiqədə isə Quiri dubl edib - 0:3. Amma ruhdan düşməyən meydan sahibləri fasiləyə kimi buraxılan toplardan birinin əvəzini çıxıblar. Enner Valensiya qapını dəqiq nişan alıb. 82-ci dəqiqədə Miha Zayç yerli azarkeşləri ümidləndirib. 88-ci dəqiqədə isə Emre Mor komandasını məğlubiyyətdən xilas edib 3:3.Maraqlıdir ki, qrupun digər görüşü AEK – “Dinamo Kiyev” oyunu da eyni hesabla bitib. Hazırda “Fənərbağça” və “Renn” 11 xalla qrupa başçılıq edirlər. Hər iki komanda pley-offa vəsiqəni təmin edib. Hər iki komanda qapısında ümumilikdə 7 top görsə də, Rennndən 1 qol artıq vuran “Fənərbağça” məhz bu göstəricisinə görə liderdir. Son turda “Dinamo”- “Fənərbağça” və “Renn” – “AEK” oyunları olacaq.
Türkiyə çempionu “Trabzonspor” isə Serbiyda “Srvena Zvezda”ya uduzub. Meydan sahibləri 2:1 hesabı ilə qalib gəliblər. Hazırda H qrupuna 10 xalla “Ferentsvaroş” başçılıq edir. “Monako” 7 xalla 2-cidir. “Trabzonspor” və “Srvena Zvezda”nın aktvində 6 xal var. Son turda “Trabzonspor” - “Ferentsvaroş” və “Monako” – “Srvena Zvezda” qarşılaşmaları keçiriləcək.
Yarışın favoritlərindən “Arsenal” ilk məğlubiyyəti ilə üzləşib. Ardıcıl 4 qələbədən sonra London klubu Eyndhovendə PSV-yə uduzub. Niderland komandası Yoey Verman və Luk de Yonqun vurduğu qolla 2:0 hesabı ilə qalib gəlib. Hazıtrda “Arsenal” 12 xalla lider, PSV isə 10 xalla 2-cidir. Hər iki klub pley-offa vəsiqəni təmin edib.
“Mançester Yunyted” isə əksinə ilk turdakı məğlubiyyətdən sonra ardıcıl 4-cü qələbəsini əldə edib. Mankunyanlar “Old Trafford”da “Şerif”ə 3 cavabsız qolla qalib gəliblər. Meydan sahiblərinin heyətində Dieqo Dalot, Markus Reşford və Kriştiano Ronaldo fərqlənib. Hazırda bu qrupa maksimum nəticə ilə “Real Sosyedad” başçılıq edir. Liderdən 3 xal geri qalan “Mançester Yunayted” 2-ci pillədədir. Son turda bu iki komanda İspaniyada üz-üzə gələcək.