İngiltərə Premyer Liqasının 12-ci turunda yarış cədvəlinin ortalarında qərarlaşan “Kristal Pelas” doğma meydanda “Vulverhempton” ilə üz-üzə gəlib.
Görüşə meydan sahibləri daha yaxşı başlasa da hesabı qonaqlar açıb. Yarım saatın tamamında Adama Traore “Vulverhemptonu” irəli çıxarıb. Lakin komanda qələbə hesabını sonadək qoruya bilməyib. İkinci hissənin ilk dəqiqəsində Ebereçi Eze tarazlığı bərpa edib. Çox keçmədən Vilfrid Zaha qələbə qolunun müəllifi olub. “Kristal Pelas” – “Vulverhempton” 2:1. Günün digər matçında isə qolsuz heç-heçə qeydə alınıb. “Brayton” – “Notingem Forest” qarşılaşmasında qapılar toxunulmaz qalıb.