Konfrans Liqasının favoritlərindən “Vilyarreal” ardıcıl 3-cü qələbəsini qazanıb. İspaniya klubu doğma arenada “Austriya Vyana”nı 5 cavabsız qolla məğlub edib. Hesabı Aleks Baena açıb. Fasilə ərəfəsində Arno Danjuma hesabı 2:0 edib. 2-ci hissədə meydan sahibləri qollarını sıralayıblar. Fasilədən sonra oyuna qoşulan Xose Luis Morales het-trik etməklə diqqət çəkib. O son 15 dəqiqəqədə 3 qol vurub. Ardıcıl 3-cü qələbəsini qazanan “Vilyarreal” maksimum nəticə ilə qrupun lideridir. “Lex” 4 xalla 2-ci, “Hapoel Beer Şeva” 2 xalla 3-cüdür. 1 xala malik “Austriya Vyana” isə autayderdir.
B qrupunda isə “Vest Hem” maksimum nəticə ilə irəliləyir. İngiltərə təmsilçisi Belçikada “Anderlext”ə minimal hesabla qalib gəlib. Yeganə qolu Djanluka Skamakka vurub. 9 xalla lider olan “Vest Hem” ən yaxın izləyicisi “Anderlext”i 5 xal qabaqlayır.
“Fiorentina” isə yarışda ilk qələbəsini əldə edib. İtaliya klubu Şotlandiyada yerli “Harts” klubuna 3:0 hesabı ilə qalib gəlib. Qonaqların heyətində Rolando Mandragora, Kristian Kuame və Luka Yoviç fərqlənib. Hazırda qrupa 7 xalla “Başakşehir” başçılıq edir. “Fiorentina” 4 xalla 2-cidir.