Aztv
Mədəniyyət
Bakı vaxtı

.

CANLI

İDMAN AZƏRBAYCAN CANLI YAYIM

TV

Bağla / Close

|
|
|
|
|
Axtarış


İdman növləri
 
banner 1
banner 2
Əlaqə

Ünvan:
AZ1011, Bakı şəh., M.Hüseyn küç., 1

Telefon:
(+99412) 4923807
Email:
sport@aztv.az
 
Avarçəkənimiz dünya çempionatının finalında
31-08-2014

Akademik avarçəkmə üzrə Azərbaycan milli komandasının lideri Aleksandr Aleksandrov karyerasında ilk dəfə böyüklər arasında dünya çempionatının finalına vəsiqə qazanıb. 24 yaşlı avarçəkənimiz bu uğura Hollandiyanın paytaxtı Amsterdamda keçirilən mundialda imza atıb.

 

Aleksandrov 1 nəfərlik qayıqla (M1x) 2000 metr məsafəyə yarımfinal yürüşündə finişə 6 dəqiqə 45,590 saniyəyə çataraq, 3-cü yeri tutub. Çexiyalı Andrey Sinek (06:41.580) birinci, litvalı Mindauqas Qrişkauskas (06:43.640) ikinci olub. İlk "3-lüy"ə düşdüyündən, təmsilçimiz Sinek və Qrişkonislə birgə əsas finala yüksəlib. Digər yarımfinal yürüşündən isə həlledici mərhələyə almaniyalı Marsel Hakker (06:39.060), yeni Zelandiyalı Meyh Drizdeyl (06:44.420) və kubalı Anxel Furnier Rodriges (06:48.520) adlayıb. Əsas final yürüşü avqustun 31-də Bakı vaxtı ilə saat 17:03-də başlanacaq. Avarçəkənimiz 1-ci yürüş zolağında yer alacaq.

 

Aleksandrov 5-ci yeri tutduğu 2012-ci il London Yay Olimpiya Oyunlarında bu rəqiblərdən Drizdeyl, Sinek və Hakkerlə həlledici yürüşdə mübarizə aparıb. Həmin vaxt finişə 7 dəqiqə 9,420 saniyəyə çatan təmsilçimiz 5-ci olub. İlk 2 yeri yeni zelandiyalı və çexiyalı rəqibləri tutsa da, idmançımız almaniyalını üstələməyi bacarıb. Rodriges və Qrişkonis isə 7-8-ci yerlərlə kifayətləniblər. Amma ötənilki dünya çempionatında Aleksandrov 7-ci olduğu halda, Sinek qızıl, Rodriges gümüş, Hakker bürünc medala yiyələnib.

 

Amsterdamdakı dünya çempionatında mübarizə aparan digər təmsilçilərimizə gəldikdə, İqor Luçiç - Luka Corceviç dueti 2 nəfərlik sükansız qayıqla (M2-) ümumi sıralamada 13-cü yer uğrunda mübarizəyə imkan verən C yarımfinalında 2000 metr məsafəyə yürüşdə 6 dəqiqə 56,750 saniyə nəticə ilə 1-ci, C finalında 6 dəqiqə 28,800 saniyə göstərici ilə 2-ci yeri tutaraq, çempionatı 14-cü pillədə başa vurub.

 

1 nəfərlik yüngül çəkili qayıqla (LM1x) 2000 metr məsafəyə yarımfinal yürüşündə isə Cavid Əfəndiyev finişə 7 dəqiqə 19,620 saniyəyə çataraq, 4-cü yeri tutub və ümumi sıralamada ilk "18-lik"dən kənarda qalıb. Əvəzində o, 7 dəqiqə 4,360 saniyə nəticə ilə D finalının qalibi olaraq, çempionatı 19-cu pillədə başa vurub.

banner nijniy
Bölümlər
İdman Azərbaycan TV verilişlərinin Azerspace 1 peyk vasitəsilə qəbulu
Asiya - Avropa
Satellite: Azerspace 1
Orbital position: 46°E
Downlink Frequency:
(MPEG-2) f = 11175 MHz
(Polarization- H)
Symbol rate – 27500 Msymbol/s
FEC - 5/6
Sosial şəbəkələr

 
Copyright © İdman Azərbaycan - 2011 - 2016