Zlatan İbrahimoviç ölkəsindəki klubun səhmlərinin bir hissəsini alıb

28 Noyabr, 10:43 Sosial mediada paylaşın:
İsveç milliisinin sabiq futbolçusu Zlatan İbrahimoviç "Hammarbü" klubunun səhmlərinin bir hissəsini satın alıb.
 
Bu barədə klubun rəsmi saytı məlumat yayıb. 
 
38 yaşlı hücumçu "Hammarbü"nün həm Stokholmda, həm də İsveçdə çox hörmət edilən və ehtiraslı azarkeşləri olan fantastik klub olduğunu söyləyib: "Həmişə bu klubu və fanatlarını bəyənmişəm. Komandanın son illər meydanda və kənarda gördüyü işlərə heyranam".
 
Qeyd edək ki, son olaraq ABŞ-ın “Los-Anceles Qelaksi” komandasında çıxış etmiş Zlatan İbrahimoviç hazırda klubsuzdur. İsveç çempionatı noyabrın əvvəlində başa çatıb. "Hammarbü" yarışı 65 xalla 3-cü pillədə bitirib.