UEFA Konfrans Liqasının qrup mərhələsinin V turunda "Qarabağ"ın Kipr "Omoniya"sı ilə keçirəcəyi oyununa indiyədək satılmış biletlərin sayı açıqlanıb.
Hələlik 8 500-dən çox bilet sahibini tapıb. Biletlərin qiyməti müvafiq olaraq 3 manat, 5 manat, 10 manat, 50 manat və 75 manat təşkil edir. Koronavirus pandemiyası ilə əlaqədar stadion tutumunun 50 faizi qədər azarkeş tribunalara buraxılacaq.
Qeyd edək ki, noyabrın 25-də Tofiq Bəhramov adına Respublika stadionunda keçiriləcək "Qarabağ" - "Omoniya" görüşü saat 21:45-də başlayacaq. Azərbaycan təmsilçisi artıq pley-offa vəsiqəni təmin edib.