“Barselona”nın hücumçusu Lionel Messi bu mövsüm UEFA Çempionlar Liqasında favorit gördüyü klubların adını çəkib.
“El Mundo Deportivo” nəşrinə açıqlamasında Leo dolayı yolla işlərinin çətin olacağına işarə vurub: “ÇL-də oynamaq çətindir. Məsələn, PSJ Dortmundda “Borussiya”ya, “Liverpul” Madriddə “Atletiko”ya məğlub oldu. Mənə elə gəlir ki, bu il qələbəyə ən real namizədlər “Liverpul”, “Yuventus”, PSJ və “Real”dır”.
Xatırladaq ki, “Barselona” turnirin 1/8 finalında ilk oyunu fevralın 25-də səfərdə “Napoli”yə qarşı keçirəcək. Cavab oyunu isə martın 18-də olacaq. Ötən mövsüm “Barsa” yarımfinalda “Liverpul” səddini adlaya bilməmişdi.