UEFA Çempionlar Liqasının ilk 1/8 final oyununda Dortmund “Borussiya”sına uduzan PSJ-nin futbolçusu Neymar tənqidi fikirlər səsləndirib.
Braziliyalı futbolçu zədəsinin tam sağaldığını və oynamağa hazır olduğunu, amma buna imkan verimədiyini bildirib: “Ölkə çempionatının son 4 oyununda meydana çıxmamaq ağır idi. Amma bu, mənim seçimim deyildi, tibbi personal belə qərar çıxartdı. Biz çox müzakirə apardıq, təəssüf ki, nəticəsi olmadı, doğrusu, vəziyyət heç xoşuma gəlmədi. Mən ÇL matçına qədər də oynamağa tam hazır idim və özümü çox yaxşı hiss edirdim”.